Մեկնարկել է Երեւանի ավագանու նիստը. «Ելք»-ը լքել է դահլիճը

Լրագրողները նիստից առաջ «Դռները բացեք մամուլն է գալիս» գրառումով ակցիա էին կազմակերպել:

Երեւանի քաղաքապետարանում մարտի 19-ին մեկնարկեց Երևան քաղաքի ավագանու 3-րդ նստաշրջանի 2-րդ նիստը:   Երեւանի քաղաքապետ Տարոն Մարգարյանը նշեց, որ նիստին գրանցվել է ավագանու 62 անդամ:

«Երկիր ծիրանի» խմբակցության անդամ Մարինա Խաչատրյանը նիստի սկզբում կրկին անդրադարձավ էլեկտրոնային քվեարկության բացակայությանը: Երեւանի քաղաքապետ Տարոն Մարգարյանը, ի պատասխան նշեց, որ ձեռքով քվեարկելը օրենքի խախտում չի համարվում, եւ դա նշված է ավագանու կանոնակարգում: «Այսօրվա նիստում եւս ձեռքով ենք քվեարկելու, քանի որ սարքերը չեն աշխատում»,-ասաց քաղաքապետը:

«Ելք» խմբակցության անդամներն էլ, անդրադառնալով օրակարգում ընդգրկված Մարտի 1-ի զոհերի հուշարձանի տեղադրման հարցին, առաջարկեցին մեկ րոպե լռությամբ հարգել զոհերի հիշատակը:  «Ելք» խմբակցության ղեկավար Դավիթ Խաժակյանը հայտարարեց, որ անհամաձայնություն հայտնելով օրակարգում ընդգրկված հարցերի նկատմամբ, իրենց խմբակցությունը կլքի նիստերի դահլիճը:

Երեւանի ավագանու նախորդ աղմկահարույց նիստից հետո լրագրողների մուտքը նիստերի դահլիճ մարտի 19-ի նիստում եւս չարգելվեց:

Լրագրողները նիստից առաջ «Դռները բացեք մամուլն է գալիս» գրառումով ակցիա էին կազմակերպել:

 

*

*