ՊՆ-ն հորդորել է զերծ մնալ ՊՆ վարչական համալիրի շրջակա փողոցների արգելափակումից — Երկիր Մեդիա

ՊՆ-ն հորդորել է զերծ մնալ ՊՆ վարչական համալիրի շրջակա փողոցների արգելափակումից

«...ցանկացած նման փորձ խստագույնս կանխվելու է»
pn

ՀՀ պաշտպանության նախարարությունը հորդորել է Երևանում  զանգվածային միջոցառումների կազմակերպիչներին զերծ մնալ ՀՀ ՊՆ վարչական համալիրի շրջակա փողոցների արգելափակումից, ինչպես նաեւ ՊՆ համարանիշներով մեքենաների շարժը խոչընդոտելուց:

Այս մասին տեղեկացնում են ՀՀ պաշտպանության նախարարության տեղեկատվության և հասարակայնության հետ կապերի վարչությունից:

Հայտարարության մեջ ասվում է.

«ՀՀ պաշտպանության նախարարությունը և զինված ուժերի գլխավոր շտաբը մարտական հերթապահության իրականացման և զորքերի ծառայության ապահովման բնականոն աշխատանքի համար շաբաթվա յոթ օրը և օրվա ցանկացած ժամի իրականացնում է մշտական միջոցառումներ: Այդ աշխատանքները պետք է լինեն լիարժեք և որևէ բան չի կարող խոչընդոտել դրանց իրականացմանը: Հետևաբար հորդորում ենք զանգվածային միջոցառումների կազմակերպիչներին զերծ մնալ ՀՀ ՊՆ վարչական համալիրի շրջակա փողոցների արգելափակումից, ինչպես նան ՊՆ համարանիշներով մեքենաների շարժը խոչընդոտելուց:

Ցանկացած նման փորձ խստագույնս կանխվելու է»:

ՀՀ Ազգային ժողովի պատգամավոր Նիկոլ Փաշինյանը ապրիլի 21-ի երթի ժամանակ հայտարարել է, որ իր կողմնակիցների հետ քայլելու է դեպի Ավան վարչական համայնք՝ անցնելով նաև ՀՀ ՊՆ վարչական համալիրի կողքով:

*

*