Հայրենիքի պաշտպանի վերականգնողական կենտրոնում կգործի գորգագործության կենտրոն

Նիկոլ Փաշինյանը և Աննա Հակոբյանը միացել են վիրավոր զինվորների գորգի գործման աշխատանքներին:
gorg-pashinyan-hayreniqi-zinvor

Վարչապետ Նիկոլ Փաշինյանը և Աննա Հակոբյանը միացել են վիրավոր զինվորների՝ «Հայկական Տիեզերք» անվանակոչված գորգի գործման աշխատանքներին:

«Հայրենիքի պաշտպան» վերականգնողական կենտրոնի նախաձեռնությամբ զինվորի տան հերոսները գործել են գեղեցիկ հայկական գորգ, որն անվանվել է «Հայկական Տիեզերք»։ Գորգի գործման աշխատանքներին են միացել Տիգրան Մանսուրյանը, Ջիվան Գասպարյանը, հայկական ջազի լեգենդ Մալխասը, «Ավրորա»-ի մրցանակակիր Թոմ Քաթինան և այլք։

Գորգը պետք է պատրաստ լինի մինչ նոյեմբերի 1-ը։ ԱՄՆ-ի հայ համայնքը հնարավորություն է ունենալու աճուրդով գնել գորգը։ Աճուրդը և գալա ընթրիքը տեղի է ունենալու նոյեմբերի 3-ին՝ ժամը 17:30-ին, Կալիֆորնիայի The Glendale Hilton հյուրանոցում: Ամբողջ հասույթն ուղղվելու է Զինվորի տան Հերոսների սրճարանի և ուսումնական կենտրոնի կառուցմանը։

Աճուրդից հետո էլ Հայրենիքի պաշտպանի վերականգնողական կենտրոնում «Մեգերյան կարպետ» ընկերության աջակցությամբ գործելու է գորգագործության կենտրոնը։ Վարպետները կշարունակեն բուժում ստացող տղաներին սովորեցնել գորգ գործել՝ ոմանք ձեռքերը կմարզեն, մյուսներն էլ հնարավոր է վարպետանան ու սկսեն գումար վաստակել։

nikol-pashinyan-gorg

*

*