«Նախնական զինվորական պատրաստություն» օլիմպիադան հաղթել է Արցախի թիմը

«Նախնական զինվորական պատրաստություն» առարկայական օլիմպիադան անցկացվել է 2 փուլով:
arcakh

Վազգեն Սարգսյանի անվան ռազմական համալսարանում մայիսի 19-ից 21-ը տեղի է ունեցել «Նախնական զինվորական պատրաստություն» առարկայական հանրապետական օլիմպիադայի եզրափակիչ փուլը:

«Նախնական զինվորական պատրաստություն» առարկայական օլիմպիադան անցկացվել է 2 փուլով: Օլիմպիադայի եզրափակիչ փուլ անցած թիմերի սաները երեք օր շարունակ Վազգեն Սարգսյանի անվան ռազմական համալսարանում մրցել են արգելագոտիների հաղթահարում, զենքի քանդում և հավաքում, կրակային և շարային պատրաստություն անվանակարգերում, հանձնել են «Նախնական զինվորական պատրաստություն» առարկայի նորմատիվներ, ապրել են զինվորական կենցաղով ու կանոնակարգով` անմիջականորեն զգալով զինվորական լինելու պատասխանատվությունը: Այս մասին հայտնում է ՊՆ մամուլի ծառայությունը:

Եզրափակիչ փուլի արդյունքներով թիմային ընդհանուր հաշվարկով օլիմպիադայի հաղթող է ճանաչվել Արցախից ժամանած թիմը: Երկրորդ և երրորդ հորզիոնականները զբաղեցրել են Գեղարքունիքի և Արմավիրի մարզերի թիմերը:

*

*