Ամենայն Հայոց Կաթողիկոսն ընդունեց ՀՀ-ում Լեհաստանի նորանշանակ դեսպանին — Երկիր Մեդիա

Ամենայն Հայոց Կաթողիկոսն ընդունեց ՀՀ-ում Լեհաստանի նորանշանակ դեսպանին

Զրույցի ընթացքում անդրադարձ կատարվեց հայ համայնքի և նրա ազգային-հոգևոր կյանքին:
katoxikos-leh-despan2 (1)

Հունիսի 13-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանի Հանրապետությունում Լեհաստանի Հանրապետության նորանշանակ արտակարգ և լիազոր դեսպան Պավել Չեպլակին:

Ամենայն Հայոց Կաթողիկոսը նշանակման կապակցությամբ շնորհավորեց Պավել Չեպլակին՝ փոխանցելով իր բարեմաղթանքները: Անդրադառնալով հայ-լեհական բարեկամական սերտ կապերին՝ Նորին Սրբությունն ընդգծեց, որ դրանք գալիս են դարերի խորքից և պայմանավորված են Լեհաստանում հայկական համայնքի առկայությամբ:

Վեհափառ Հայրապետը գոհունակությամբ արձանագրեց նաև, որ միջեկեղեցական ոլորտում ևս առկա են ջերմ հարաբերություններ ու գործակցություն:

Այնուհետև Լեհաստանի դեսպանն Ամենայն Հայոց Կաթողիկոսին տեղեկություններ փոխանցեց Լեհաստանում քրիստոնեական տարբեր համայնքների վերաբերյալ:

Զրույցի ընթացքում անդրադարձ կատարվեց հայ համայնքի և նրա ազգային-հոգևոր կյանքին:

*

*