Ոստիկանները հայտնաբերել են նարկոլոգիական կենտրոնում հաշվառված վարորդների

Հայտնաբերվածներից մեկը եղել է տաքսու վարորդ։
avtotesuch janaparhayin-vostikanutyun

Նոյեմբերի 21-ին ոստիկանության կազմակերպված հանցավորության դեմ պայքարի գլխավոր վարչության և ճանապարհային ոստիկանության ծառայողներն ուժեղացված ծառայություն են իրականացրել մայրաքաղաքում։ Նպատակը նարկոլոգիական կենտրոնում հաշվառված վարորդներ հայտնաբերելն էր։ Այս մասին տեղեկացնում է Ոստիկանությունը:

Արդյունքում հայտնաբերվել է նման 14 վարորդ։ Նրանց մեքենաները տեղափոխվել են ճանապարհային ոստիկանության պահպանվող հատուկ տարածք։ Հայտնաբերվածներից մեկը եղել է տաքսու վարորդ։

Վարորդների նկատմամբ կազմվել են վարչական իրավախախտման վերաբերյալ արձանագրություններ։

Միջոցառումները շարունակական են։

*

*