Երկարաձգվեց ծառայությունից խուսափած անձանց հետապնդումը դադարեցնելու ժամկետը

Կառավարությունը միայն տեխնիկական բնույթի առաջարկություն արեց:

ՀՀ կառավարությունը հավանություն տվեց ծառայությունից խուսափած անձանց նկատմամբ հետապնդումը դադարեցնելու ժամկետի երկարաձգման վերաբերյալ ԱԺ պատգամավոր Գևորգ Գորգիսյանի առաջարկությանը: Այսպիսի որոշում կայացվեց կառավարության նոյեմբերի 8-ի նիստում:

«Օրինագծով առա­ջարկվում է «Զինապարտության մասին» ՀՀ օրենքի խախտմամբ պարտադիր զինվորա­կան ծառայության զորակոչից խուսափած և 27 տարին լրացած ՀՀ քաղաքացի­ների նկատ­մամբ հարուցված քրեական հետապնդումը դադարեցնելու նպատա­կով երկարաձգել «Սահմանված կարգի խախտմամբ պար­տա­դիր զինվորական ծառա­յու­թյուն չանցած քաղաքացիների մասին» ՀՀ օրենքի գործողու­թյան ժամկետը մինչև 2018 թվականի դեկտեմբերի 31-ը: Իսկ պահեստազորի սպաների մասով՝ այն անձանց, որոնց 35 տարին է լրանում»,- ասաց ՀՀ պաշտպանության փոխնախարար Գաբրիել Բալայանը:

Պատգամավորի ներկայացրած օրինագծի վերաբերյալ կառավարությունը միայն տեխնիկական բնույթի առաջարկություն արեց:

*

*