Աբրահամ Գասպարյանը հեռանում է Հանրային հեռուստաընկերությունից

«Ինձ համար կա մե′կ մեծ վերնագիր՝ ազգային ու պետական արժեքներ»
abraham-gasparyan

Հանրային հեռուստաընկերության մեկնաբան Աբրահամ Գասպարյանը ֆեյսբուքյան իր էջում հայտնել է, որ ազատվել է աշխատանքից:

«Ահա և վերջ․ Հանրային հեռուստաընկերության հետ իմ 13-ամյա ճանապարհը ավարտվեց։ Երեկ հանձնեցի աշխատանքից ազատման դիմումը, այսօր հրաժեշտ տվեցի գործընկերներիս։ Մասնագիտական, աշխատանքային ու անձնական մոտեցումների սկզբունքային հակասություններն անհնարին դարձրեցին աշխատանքային համագոյակցությունը։ Ինձ համար կա մե′կ մեծ վերնագիր՝ ազգային ու պետական արժեքներ․ հենց այդ վերնագրի ներքո է գրվել ու գրվելու իմ կենսագրությունը՝ երբեք թույլ չտալով, սակայն, որ անձնական գաղափարախոսությունը նսեմացնի մասնագիտականը և հակառակը: Երախտապարտ եմ բոլոր այն մարդկանց, ովքեր անտրտունջ պատրաստակամությամբ օգնել են ինձ՝ պատվով ու պետության առջև բաց ճակատով կատարելու իմ մասնագիտական պարտականությունները՝ զորամասերից մինչև եկեղեցու թեմեր, միջազգային կազմակերպություններից մինչև հայաստանյան բուհեր, Արցախից մինչև Եվրոպայի մայրաքաղաքներ։ Ես շարունակելու եմ աշխատել հանուն մեր պետության առաջընթացի՝ մաքուր խղճով, պատասխանատու գրչով ու տոկուն գիտելիքով։ Իսկ թե որ ոլորտում ու երբ, կիմանաք հետագայում։ Պի′նդ եղեք»-նշել է Գասպարյանը:

*

*