Թուրք դատավորները դատի են տվել Էրդողանին եւ վարչապետին

Նրանք «խախտել են սահմանադրական կարգը»
erdoghan-yldrm

Անկարայի Դատավորների և դատախազների միության (YARSAV) հիմնադիր նախագահ Օմեր Ֆարուք Էմինաղաօղլուի գլխավորած խումբը դատի է տվել Թուրքիայի նախագահ Ռեջեփ Թայիփ Էրդողանին, վարչապետ Բինալի Յըլդըրըմին և վերջերս հրաժարական տված քաղաքապետերին: Այս մասին հայտնում է «Արմենպրես»-ը՝ հղում անելով թուրքական Diken պարբերականին:

Դատախազություն ներկայացրած դիմումում նշվում է, որ Էրդողանը, Յըլդըրըմը և քաղաքապետերը «խախտել են սահմանադրական կարգն» ու «խոչընդոտել են քաղաքական իրավունքի իրացմանը»:

Էմինաղաօղլուն մասնավորապես ընդգծել է, որ քաղաքապետերը հրաժարական են ներկայացրել ոչ թե սեփական կամքով, այլ իշխող «Արդարություն և զարգացում» կուսակցության ղեկավարների պահանջով և ճնշումների ներքո:

Հիշեցնենք, որ Էրդողանի պահանջով հրաժարականներ են տվել Ստամբուլի, Դյուզջեի, Նիղդեի, Բուրսայի, Անկարայի և Բալըքեսիրի քաղաքապետերը:

*

*