Ռուսաստանը, Իրանը և Թուրքիան սիրիական հարցով համատեղ հայտարարություն են ընդունել

Հայտարարել է Վլադիմիր Պուտինը, Թուրքիայի և Իրանի նախագահների հետ հանդիպումից հետո:
rusastan,-turqia,-iran

Ռուսաստանը, Իրանը և Թուրքիան համատեղ հայտարարություն են ընդունել սիրիական հակամարտության հարցում այդ 3 երկրների հետագա համագործակցության առնչությամբ: Ինչպես հաղորդում է «ՏԱՍՍ»-ը, այս մասին հայտարարել է ՌԴ նախագահ Վլադիմիր Պուտինը Թուրքիայի և Իրանի նախագահներ Ռեջեփ Թայիփ Էրդողանի և Հասան Ռոհանիի հետ հանդիպումից հետո:

«Ուրախությամբ կարող եմ նշել, որ Իրանի և Թուրքիայի առաջնորդներն աջակցություն են հայտնում համասիրիական ֆորումի՝ Սիրիայի ազգային երկխոսության Կոնգրեսի գումարմանը: Պայմանավորվել ենք անցկացնել այդ կարևորագույն միջոցառումը համապատասխան մակարդակով»,- նշել է Վլադիմիր Պուտինը:

Նա շեշտել է, որ այդ հանդիպմանը պետք է մասնակցեն սիրիական հասարակության լայն շերտերի ներկայացուցիչներ, որոնց ներգրավման առնչությամբ համապատասխան հանձնարարականներ են տրվել: Պուտինը նաև տեղեկացրել է, որ Կոնգրեսը կանցկացվի Սոչիում:

*

*