Իրանը և Ռուսաստանը սկսել են Բուշերի ԱԷԿ-ի երկրորդ էներգաբլոկի շինարարությունը

Ռուսաստանցի մասնագետների մասնակցությամբ Իրանում նոյեմբերի 10-ին սկսվել է․․․
busher-aek-iran2

Ռուսաստանցի մասնագետների մասնակցությամբ Իրանում նոյեմբերի 10-ին սկսվել է Բուշերի ատոմային էլեկտրակայանի երկրորդ էներգաբլոկի շինարարությունը։ Այդ մասին տեղեկացրել է Իրանի Mehr գործակալությունը։

Շինարարության մեկնարկը հանդիսավոր պայմաններում տվել են Իրանի փոխնախագահ, Իրանի ատոմային էներգիայի կազմակերպության ղեկավար Ալի Աքբար Սալեհին և «Ռոսատոմ» պետական կորպորացիայի  գլխավոր տնօրենի տեղակալ Ալեքսանդր Լոկշինը։

Բուշերի ԱԷԿ-ի շինարարությունը համարվում է խոշորագույն ռուս-իրանական նախագիծը։ 2014-ի նոյեմբերին Իրանը և Ռուսաստանն ստորագրել են Բուշերի ԱԷԿ-ի երկրորդ և երրորդ էներգաբլոկները («Բուշեր-2» նախագիծ) կառուցելու պայմանագիր։ Նշված բլոկներում գործելու են ռուսաստանյան ВВЭР-1000 տիպի ռեակտորային կայանքներ։ Երկու բլոկների գումարային հզորությունը 2,1 հազար ՄՎտ է։ Սպասվում է, որ «Բուշեր-2»-ը կյանքի կկոչվի 10 տարի։

*

*