«Վրացական մաֆիայի» դեմ գործողության շրջանակում Իսպանիայում շուրջ 50 մարդ է ձերբակալվել

Սպասվում է, որ ձերբակալություններ կկատարվեն նաեւ Վրաստանում:
ispania-milica

Իսպանիայի ազգային ոստիկանությունը շուրջ 50 մարդու է ձերբակալել «վրացական մաֆիայի» դեմ գործողության շրջանակում: Այդ մասին հայտնել է La Razon թերթը:

Նրա տեղեկատվության համաձայն՝ խոսքը քրեական խմբավորման մասին է, որի անդամները կասկածվում են պիրենեյան ողջ թագավորությունում 100-ից ավելի բնակարաններ կողոպտելու մեջ: Գործողությունը, որի ընթացքում նաեւ կատարվում է 25 խուզարկություն, գլխավորապես տեղի է ունենում Մադրիդի ինքնավար հանրակցությունում եւ Բարսելոնում:

Սպասվում է, որ ձերբակալություններ կկատարվեն նաեւ Վրաստանում: Գործողության շրջանակներում տրվել է խմբավորման պարագլխի ձերբակալման կալանագիր, որը ներկայում կարող է թաքնվել Իտալիայում:

Ընթացիկ տարվա հունիսի վերջին Իսպանիայի ազգային ոստիկանությունը, այսպես կոչված, վրացական մաֆիայի 18 անդամների էր ձերբակալել թագավորության մայրաքաղաքում տասնյակ բնակարանների կողոպտման կասկածանքով, հաղորդել է ՏԱՍՍ-ը:

*

*