Կամավորությունը՝ արժեհամակարգ

ՎիվաՍել-ՄՏՍ-ի աշխատակիցները հանդես են եկել օգտակար լինելու հերթական նախաձեռնությամբ:
vivacell (2)

Երկրին և հասարակությանն օգտակար լինելու ցանկությունը, տարիներ շարունակ կամավորության գաղափարի շուրջ է համախմբել ՎիվաՍել-ՄՏՍ-ի աշխատակիցներին: Անտարբերությունը մերժելու և պատասխանատվությամբ առաջնորդվելու սկզբունքը հոգեհարազատ է ավելի քան տասը տարի Հայաստանի շուկայում գործող ընկերության աշխատակիցներին: Նրանք ձգտում են լինել այնտեղ, որտեղ կա օգնելու իրական հնարավորություն և աջակցել՝ համակարգված ձևով: Այդ աջակցությունը պարբերաբար դրսևորվում է կոնկրետ աշխատանքով, որի իրականացման որոշումը կայացնում և նյութական միջոցներ են տրամադրում կազմակերպության տարբեր վարչությունների աշխատակիցները:

2016թ. ապրիլյան իրադարձություներից հետո, ՎիվաՍել-ՄՏՍ-ի Ֆինանսների և հաշվապահության վարչության աշխատակիցները հանդես են եկել օգտակար լինելու հերթական նախաձեռնությամբ:

Կենտրոնական կլինիկական զինվորական հոսպիտալ այցելությունից հետո նրանք ստանձնել և յուրաքանչյուր ամիս 100-150-հազարական դրամ աջակցություն են տրամադրել հայրենիքի պաշտպանության ընթացքում առողջական լուրջ խնդիրներ ձեռք բերած անձանցից 3-ի ընտանիքին: 2016թ. մայիսից մինչև օրս նրանց հատկացվել է ավելի քան 3,5 մլն դրամ: Միանվագ ֆինանսական աջակցություն է տրամադրվել 2 ընտանիքի, իսկ 2 զինվորի համար կառուցվել է բաղնիք և սանհանգույց: Այդ ամենի համար կամավորներն իրենց անձնական միջոցներից  հատկացրել են ևս 1,7 մլն դրամ:

«Հպարտ եմ մեր աշխատակիցների նախաձեռնությամբ: Հաճելի է տեսնել, թե ինչպես են նրանք համախմբվում նույն արժեհամակարգի շուրջ: Առաջին տարին չէ, որ կոնկրետ հենց այս վարչությունը կամավորության սկզբունքով ծրագիր է իրականացնում՝ օգտակար լինելով մեր հայրենակիցներին: Դրսևորած մարդասիրությունն և ներդրումն անգնահատելի են»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Հաշմանդամություն ունեցող զինվորականներին օգտակար լինելու նպատակով ՎիվաՍել-ՄՏՍ-ի թիմը համագործակցել է «Աջակցություն վիրավոր զինվորներին և զինվորական հաշմանդամներին» ՀԿ հետ և բժշկական քայլակ է տրամադրել «Քայլմեդ» վերականգնողական կենտրոնին: Կամավորության շուրջ համախմբվածներին հաջողվել է շուկայականից զգալի ցածր արժեքով ստանալ վերականգնողական թերապիայի համար կարևոր քայլակը՝ մասնագետներին ձերբազատելով այն վարձակալելու անհրաժեշտությունից: Անհրաժեշտ բոլոր դետալները ձեռք բերելուց հետո, քայլակը հավաքվել է մեր երկրում: Կառուցվածքի շնորհիվ այն հեշտությամբ հարմարեցվում է յուրաքանչյուրին:

ՎիվաՍել-ՄՏՍ-ի ֆինանսների և հաշվապահության վարչությունը տարվա ընթացքում «Քայլմեդ»-ին կտրամադրի ևս երեք քայլակ: Ընդհանուր առմամբ, կամավորության արդյունքում, այս վարչության կողմից ցուցաբերվել է շուրջ 6 մլն դրամի աջակցություն:

*

*