Զարթոնք գյուղում միջադեպի մի քանի մասնակիցներ բերման են ենթարկվել բաժին

Միջադեպի մասնակից հինգ անձ դիմել է բուժօգնության։
vostikanutyun-mashtoc-bajanmunq

Ապրիլի 13-ի վաղ առավոտյան ոստիկանության Մեծամորի բաժնում ահազանգ է ստացվել, որ Զարթոնք գյուղում մի խումբ անձանց մասնակցությամբ միջադեպ է տեղի ունեցել։ Այդ ընթացքում մասնակիցներից մեկը որսորդական հրացան է գործադրել։ Ահազանգին արագ արձագանքած ոստիկանության Մեծամորի բաժնի ծառայողները կանխել են միջադեպի հնարավոր անդառնալի հետևանքները։ Այս մասին yerkirmedia.am-ին հայտնել են ոստիկանության լրատվական ծառայությունից։

Բացի այդ, ոստիկանները վնասազերծել են հրացան գործադրած անձին, նրան և միջադեպի մի քանի մասնակիցների բերման են ենթարկել բաժին։ Միջադեպի մասնակից հինգ անձ դիմել է բուժօգնության։ Նրանցից երկուսի վնասվածքը, նախնական վարկածով’ առաջացել է որսորդական փամփուշտի կոտորակից։ Տեղում ոստիկանության մի շարք ստորաբաժանումների ծառայողներ վերահսկում են օպերատիվ իրավիճակը։

Բողոքի ակցիան շարունակվում է, բնակիչները փակել են մոտակայքով անցնող երկաթգիծը։

*

*