Ռոբերտ Քոչարյանին նոր մեղադրանք է առաջադրվել

․․․առանձնապես խոշոր չափի կաշառք ստանալու վերաբերյալ
robert-qocharyan

Հատուկ Քննչական ծառայությունն այսօր՝ փետրվարի 12-ին, ՀՀ երկրորդ նախագահ Ռոբերտ Քոչարյանին նոր մեղադրանք է առաջադրել:

Այս մասին մամուլի հաղորդագրություն է տարածել Քոչարյանի փաստաբանական թիմը:

«Բացի ՀՀ քրեական օրենսգրքի 300.1-րդ հոդվածից՝ սահմանադրական կարգի տապալումից, Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով՝ առանձնապես խոշոր չափի կաշառք ստանալու վերաբերյալ»,- ասված է մամուլի հաղորդագրության մեջ:

Ի դեպ, Ռոբերտ Քոչարյանին առաջադրված նոր մեղադրանքն առնչվում է քաղաքացի Սիլվա Համբարձումյանի կողմից կատարված՝ ենթադրյալ կաշառք տալու հայտարարությանը:

*

*