«Անհրաժեշտությունն այլեւս չկա». ՔԿՎ-ն պարզաբանել է «Դատապարտյալների հիվանդանոց»-ում բժշկական հերթապահությունը հանելու փաստը

«Դատապարտյալների հիվանդանոց» ՔԿՀ-ում գտնվելու առաջին օրվանից` նրանց բոլորի բուժումն ու խնամքը գերազանցապես կատարվել է քրեակատարողական հիմնարկի բուժանձնակազմի կողմից:
qkv

«Դատապարտյալների հիվանդանոց» ՔԿՀ-ում «Էրեբունի» բժշկական կենտրոնի կողմից սահմանված 24-ժամյա հերթապահությունը հանվելու առնչությամբ ՀՀ արդարադատության նախարարության քրեակատարողական վարչությունը պարզաբանում է ներկայացրել:

Պարզաբանման մեջ շեշտվում է, որ հերթապահությունը սահմանվել էր, որպեսզի բացառվեր կալանավորված անձանց մոտ` այդ բժշկական կենտրոնում վիրահատվելուց հետո 1-ին շրջանի հետվիրահատական հնարավոր խնդիրների առաջացումը:

«Զանգվածային լրատվության միջոցներում «Սասնա ծռեր» խմբի` ՀՀ ԱՆ «Դատապարտյալների հիվանդանոց» քրեակատարողական հիմնարկում գտնվող կալանավորված անձանց փաստաբանների կողմից հնչեցված ահազանգի կապակցությամբ, թե  «Դատապարտյալների հիվանդանոց» քրեակատարողական հիմնարկում այսօրվանից հերթապահություն չեն իրակացնում Էրեբունի բժշկական կենտրոնի բուժակները, ովքեր բուժօգնություն էին ցուցաբերում «Սասնա ծռեր» խմբի վիրավոր անդամներին»,  Քրեակատարողական ծառայությունը հարկ է համարում պարզաբանել հետևյալը:

Սկսած վերոնշյալ անձանց` «Դատապարտյալների հիվանդանոց» ՔԿՀ-ում գտնվելու առաջին օրվանից` նրանց բոլորի  բուժումն ու խնամքը գերազանցապես կատարվել է քրեակատարողական հիմնարկի բուժանձնակազմի կողմից:

Ինչ վերաբերում է «Էրեբունի» ԲԿ-ի 1 բուժակի` քրեակատարողական հիմնարկում այսօրվանից չգտնվելուն, հայտնենք, որ այդ անհրաժեշտությունը պայմանավորված էր կալանավորված անձանց` այդ բժշկական կենտրոնում վիրահատվելուց հետո 1-ին շրջանի հետվիրահատական հնարավոր խնդիրների բացառմամբ:

Այսօր այդ անհրաժեշտությունն այլեւս չկա, և «Դատապարտյալների հիվանդանոց» ՔԿՀ-ում առկա են բոլոր պայմանները վերոնշյալ անձանց բուժումն ու խնամքը քրեակատարողական հիմնարկի բուժանձնակազմի կողմից շուրջօրյա ռեժիմով ապահովելու համար»,- ասված է ՀՀ ԱՆ ՔԿՎ հանրային կապերի բաժնի հաղորդագրության մեջ:

*

*