Մաքսային ավագ տեսուչն առեւանգել է իրանի քաղաքացուն

Քաղաքացու առեւանգման մասին ահազանգը ստացել է Կոտայքի ոստիկանությունում։
hatuk-qnnchakan

2016թ. սեպտեմբերի 19-ին՝ ժամը 00:10-ին, ոստիկանության Կոտայքի բաժին ահազանգ է ստացվել այն մասին, որ իրենց է զանգահարել Աբովյան քաղաքի բնակիչ Բենիկ Մ.-ն եւ հայտնել, որ Կոտայքի մարզի Մայակովսկի գյուղի անասնապահական ֆերմայից անծանոթ անձինք մեքենայով առեւանգել են իր ծանոթին:

ՀՔԾ-ի հաղորդմամբ, նախապատրաստված նյութերի ընթացքում պարզվել է, որ առեւանգվողը Իրանի Իսլամական Հանրապետության քաղաքացի Ղասեմ Ղ.-ն է, որը հաղորդում է տվել այն մասին, որ հիշյալ օրը  Մայակովսկի (նախկինում՝ Շահաբ) գյուղի անասնաֆերմայի շրջակայքում ՀՀ ԿԱ պետական եկամուտների կոմիտեի ավագ մաքսային տեսուչ Թ. Գ.-ն եւ մի խումբ այլ անձինք բռնություն են գործադրել իր նկատմամբ: Այնուհետեւ նույն անձինք, իր կամքին հակառակ, իրեն նստեցրել են «Տոյոտա Քեմրի» մակնիշի ավտոմեքենան, վարել են անհայտ ուղղությամբ՝ սպառնալով սպանել իրեն:

Ճանապարհին ավագ մաքսային տեսուչը հեռախոսազանգ է ստացել ոստիկանությունից, որից հետո իրեն ազատ են արձակել:

Դեպքի առթիվ ՀՀ քրեական օրենսգրքի 131-րդ հոդվածի 1-ին մասի հատկանիշներով հարուցված քրեական գործն ընդունվել է ՀՀ հատուկ քննչական ծառայության վարույթ:

Նախաքննությունը շարունակվում է:

*

*