Փոխգնդապետը խոշոր չափերի կաշառք է վերցրել սպայական կոչում շնորհելու համար

Մեղադրանք է առաջադրվել Ոստիկանության զորքերի N զորամասի հասարակական կարգի պահպանման 2-րդ գումարտակի հրամանատար փոխգնդապետին։
kasharq

Քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի վարույթում քննվող քրեական գործով մեղադրանք է առաջադրվել ՀՀ ոստիկանության զորքերի N զորամասի հասարակական կարգի պահպանման 2-րդ գումարտակի հրամանատար, փոխգնդապետին՝ կաշառքի միջնորդության պատրվակով խոշոր չափերի գումար հափշտակելու համար։

Քննչական կոմիտեի փոխանցմամբ, նախնական քննությամբ բավարար ապացույցներ են ձեռք բերվել առ այն, որ  փոխգնդապետն իր ենթակայությամբ գործող գումարտակի վաշտի ավագ, ենթասպայից, որը չունի բարձրագույն կրթություն, հետևաբար չի կարող նշանակվել սպայական հաստիքի, խաբեության և վստահությունը չարաշահելու եղանակով, սպայական կոչում շնորհելու և սպայական հաստիքի նշանակելու հարցը կարգավորելու համար այլ պաշտոնատար անձին գումար փոխանցելու նպատակով նրանից պահանջել և հափշտակել է խոշոր չափերի՝ 1.500 ԱՄՆ դոլար գումար։ Ստացված գումարը փոխգնդապետը տնօրինել է իր հայեցողությամբ:

Ձեռք բերված ապացույցների համակցությամբ՝ փոխգնդապետին մեղադրանք է առաջադրվել՝ ՀՀ քրեական օրենգրքի 178-րդ հոդվածի 2-րդ մասի 2-րդ կետով: Քննիչը միջնորդություն է ներկայացրել դատարան՝ նրա նկատմամբ որպես խափանման միջոց կալանավորումը կիրառելու վերաբերյալ, ինչը բավարարվել է։

Նախաքննությունը շարունակվում է:

*

*