Մարտի մեկի գործով կհարցաքննվի նաև ՀՀ երրորդ նախագահ Սերժ Սարգսյանը. ՀՔԾ պետ

Անդրադառնալով ՀՀ երկրորդ նախագահ Ռոբերտ Քոչարյանին կալանքից ազատ արձակելու...
hatuk-qnnchakan-tsarayutyun4 (1)

Մարտի մեկի գործով կհարցաքննվի նաև ՀՀ երրորդ նախագահ Սերժ Սարգսյանը: Այս մասին քիչ առաջ կառավարությունում լրագրողների հետ ճեպազրույցում հայտարարեց ՀՀ հատուկ քննչական ծառայության պետ Սասուն Խաչատրյանը, տեղեկացնում է yerkir.am-ը:

«Ես բազմիցս նշել եմ, որ հարցաքննվելու են բոլոր այն անձինք, ովքեր առնչություն են ունեցել այս գործին, հարցաքննվելու է նաև Սերժ Սարգսյանը»,-ասաց նա:

Ըստ ՀՔԾ պետի` քննիչն է որոշում, թե ում, երբ և ինչ հարցերի շուրջ հարցաքննի: «Դա քննչական տակտիկա է, քննիչը պետք է որոշի դրա կարևորությունը»,-նշեց նա` հավելելով, որ հարցաքննություն ինքնանպատակ չէ:

Անդրադառնալով ՀՀ երկրորդ նախագահ Ռոբերտ Քոչարյանին կալանքից ազատ արձակելու վերաքննիչ քրեական դատարանի որոշման վերաբերյալ ՀՔԾ-ի արձագանքին, Սասուն Խաչատրյանը նշեց, որ այն բավականին մեղմ էր: Նրա խոսքով` իրենք, չունենալով որոշումը բողոքարկելու լիազորությունն, ընդամենն արձագանքել են դատարանի որոշմանը:

Հիշեցնենք, որ ՀՔԾ-ն ապօրինի էր համարել Ռոբերտ Քոչարյանին ազատ արձակելու վերաբերյալ Վերաքննիչ դատարանի որոշումը: «ՀՀ վերաքննիչ քրեական դատարանի որոշումը ապօրինի է, և Վերաքննիչ քրեական դատարանը դուրս է եկել իր լիազորությունների շրջանակից: Հույս ունենք, որ դատախազությունը վճռաբեկ բողոք կներկայացնի»,-հայտարարել էին ՀՔԾ-ից:

Այս հայտարարությունից հետո Քոչարյանի պաշտպանները նշել էին, որ ՀՔԾ-ն իրավունք չուներ մեկնաբանելու այդ որոշումը, քանի որ նա հանդես է գալիս պետության անունից:

«Ես երբեք ինձ թույլ չեմ տա մյուս իրավաբանի դրսևորած գործունեությունը որակել որպես անգրագիտություն կամ տգիտություն, ինչպես դա հաճախ անում են պարոն Քոչարյանի պաշտպանները»,-ասաց Սասուն Խաչատրյանը:

*

*