Մալաթիա-Սեբաստիայի սոցիալական ապահովության տարածքային բաժնի 5 աշխատակցի մեղադրանք է առաջադրվել

Առերևույթ չարաշահումներ են բացահայտվել․․․
qnnchakan-komite

ՀՀ քննչական կոմիտեի ԵՔՔՎ Մալաթիա-Սեբաստիա վարչական շրջանի քննչական բաժնում քննվող քրեական գործերով առերևույթ չարաշահումներ են բացահայտվել Մալաթիա-Սեբաստիա վարչական շրջանի սոցիալական ապահովության տարածքային բաժնում. մեղադրանք է առաջադրվել 5 անձի։

Սոցիալական աջակցության ծրագրի շրջանակներում նպաստառուների օգտին գործողություններ կատարելու, այն է՝ օրենքով նախատեսված նպաստների հատկացումը չդադարեցնելու համար նպաստառուներից տարածքային բաժնի առանձին աշխատակիցների կողմից պահանջվել է գումար։

Պաշտոնատար անձ չհանդիսացող հանրային ծառայողի կողմից ապօրինի վարձատրություն ստանալու դեպքերի առթիվ հարուցվել է երկու քրեական գործ, որոնցով կատարված քննության ընթացքում պարզվել է ենթադրյալ հանցագործություն կատարած անձանցից 5-ի ինքնությունը:

Ձեռք բերված ապացույցների հիման վրա երկու անձի մեղադրանք է առաջադրվել ՀՀ քրեական օրենսգրքի 312.1-րդ հոդվածի 1-ին մասով՝ պաշտոնատար անձ չհանդիսացող հանրային ծառայողին ապօրինի վարձատրություն տալու համար, Մալաթիա-Սեբաստիա վարչական շրջանի սոցիալական ապահովության տարածքային բաժնի երեք աշխատակցի՝ ՀՀ քրեական օրենսգրքի 311.1-րդ հոդվածի 1-ին մասով ՝ ապօրինի վարձատրություն ստանալու համար։ Վերջիններս հարցաքննվել են և ցուցմունք տվել։

 

*

*