ՀՌԱՀ-ը քարոզարշավի ընթացքում որևէ բողոք չի ստացել և որևէ խախտում չի արձանագրել

«Յուրաքանչյուր ուժին տրվել է հավասար հնարավորություն...»
hrah-1

Հեռուստատեսության և ռադիոընկերությունների կողմից Երևանի ավագանու արտահերթ ընտրությունների քարոզարշավի ընթացքում  ապահովվել են հավասար պայմաններ բոլոր կուսակցություների և դաշինքների համար:

Այս մասին ասաց ՀՀ հեռուստատեսության և ռադիոյի ազգային հանձնաժողովի իրավանական և լիցենզավորման վարչության պետ Դավիթ Մարգարյանը՝ ներկայացնելով վերգետնյա եթերային հեռարձակում իրականացնող հեռուստատեսությունների, ռադիոընկերությունների կողմից կուսակցությունների, կուսակցությունների դաշիքների համար հավասար պայմանների ապահովման գնահատման մշտադիտարկումը, մշտադիտատարկման մեթոդաբանությունը:

Նրա խոսքով՝ յուրաքանչյուր ուժին տրվել է հավասար հնարավորություն:

«Մինչ այսօր մենք բողոք չենք ստացել հեռուստատեսության և ռադիոյի կողմից, չի արձանագրվել որևէ խախտում»,-ասաց Մարգարյանը:

Նա տեղեկացրեց, որ ամփոփիչ եզրակացությունը կլինի ընտրությունների ամփոփումից երկու օր առաջ:

«Մշտադիտարկման մեթոդաբանությունը մեր կողմից հրապարակվել է արդեն իսկ օգոստոսի 26-ից, թե ինչ կարգով պետք է հեռուստաընկերությունների և ռադիոընկերությունների մշտադիտարկումը իրականացվի նախընտրական քարոզարշավի ժամանակահատվածում»,- ասաց  Մարգարյանը՝ հավելելով, որ համաձայն այդ մշտադիտարկման՝ կատարվել են բոլոր քայլերը:

*

*

Լրահոս

Բոլոր նորությունները