Արման Թաթոյանը պարզաբանում կպահանջի Մշակույթի նախարարությունից

«Հաշվի առնելով, որ հարցն առնչվում է մաեստրոյի իրավունքների երաշխավորմանը․․․»
tatoyan

Մարդու Իրավունքների Պաշտպան Արման Թաթոյանը պարզաբանում կպահանջի Մշակույթի նախարարությունից՝ Կոնստանտին Օրբելյանի ազատման վերաբերյալ։ Այս մասին նշված է ՄԻՊ-ի հաղորդագրության մեջ։

«Կոնստանտին Օրբելյանին Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրենի պաշտոնից ազատելու մասին լուրը հրապարակվելուց անմիջապես հետո խոսել եմ մաեստրոյի հետ:

Հաշվի առնելով, որ հարցն առնչվում է մաեստրոյի իրավունքների երաշխավորմանը՝ որոշում եմ կայացրել քննարկման վարույթ սկսելու մասին: Երկուշաբթի պաշտոնական նամակով պարզաբանումներ կպահանջվեն Մշակույթի նախարարի պաշտոնակատարից Կոնստանտին Օրբելյանին աշխատանքից ազատելու հիմքերի և պատճառների մասին:

Այս պահին ի գիտություն եմ ընդունել Մշակույթի նախարարության և նախարարի պաշտոնակատարի հրապարակային պարզաբանումները»,- գրել է պաշտպանը:

*

*