Սուրճի սիրահարներն ավելի քիչ են մահանում կաթվածից

...սուրճը կարող է օգնել մարդուն՝ երկար ապրել
surch-kofe3

Սուրճն օգնում է առողջ ապրել:  Գիտնականները պարզել են, որ սուրճի չափավոր՝ օրական երեքից չորս բաժակ օգտագործումը առողջության համար ոչ թե վնաս է, այլ հակառակը՝ օգտակար: Ուսումնասիրությունները  հրապարակվել են Բրիտանական առողջապահական ամսագրում BMJ.

Պարզվել է, որ սուրճ խմողների մոտ նվազում է լյարդի հիվանդություններով  ու քաղցկեղի որոշ տեսակներով հիվանդանալու հավանականությունը: Թեեւ լիարժեք ապացուցված չէ, սակայն գիտնականները կարծում են, որ սուրճի սիրահարներն ավելի քիչ են մահանում կաթվածից:

Բոլոր դեպքերում՝ հղիության ընթացքում սուրճի շատ օգտագործումը կարող է վնասակար լինել:

Սաութհեմփթոնի համալսարանի հետազոտողները հավաքագրել են մարդու բոլոր օրգանների  վրա սուրճի ազդեցության մասին հետազոտությունները՝  թվով 200:

Նրանք հանգել են այն եզրակացության, որ օրական երեք բաժակ սուրճը կարող է օգնել մարդուն՝ երկար ապրել:

 

Պատրաստեց՝

Աննա Դավթյանը

*

*