Գիտնականները ստեղծել են կենդանի օրգանիզմներով «սնվող» ռոբոտ

Բրիտանիայում ստեղծել են ջրային կենդանիների հիշեցնող ռոբոտ, որն ունակ է էներգիա ստանալ իր կողմից կլանված օրգանիզմներից:
robot-organizm-utogh

Բրիստոլի համալսարանի եւ Բրիստոլի Ռոբոտատեխնիկական լաբորատորայի ինժեներները Բրիտանիայում ստեղծել են ջրային կենդանիների հիշեցնող ռոբոտ, որն ունակ է էներգիա ստանալ իր կողմից կլանված օրգանիզմներից: Այս մասին հայտնել է NewScientist հրատարակությունը:

Ռոբոտի «բերանը» պատրաստված է փափուկ պոլիմերային մեմբրանից: Դրա միջոցով մեքենայի մեջ է ներծծվում ջուր կենդանի օրգանիզմներով: «Կերակուրն» ընկնում է արհեստական ստամոքս՝ մանրէական վառելիքային տարր, որտեղ մանրէներն այն քայքայում են: Ռոբոտն այս կերպ ստանում է իր գործելու համար անհրաժեշտ էլեկտրաէներգիան: Մնացուկները նետվում են սարքի հետին մասում գտնվող անցքից:

Քանի որ ռոբոտը կարող է երկար ժամանակ աշխատել առանց մարդու միջամտության, գիտնականները հուսով են, որ այն կօգտագործվի ճառագայթմամբ կամ թունավոր նյութերով աղտոտված ջրային միջավայրերում:

*

*