ՃՏՊ Ոսկեվազ գյուղում. կա տուժած

«ՎԱԶ-2106» մակնիշի ավտոմեքենայի վարորդը հոսպիտալացվել է Աշտարակի ԲԿ, այնուհետև՝ «Արմենիա» ՀԲԿ
vtar-gisher

Հուլիսի 9-ին` ժամը 23:59-ին, «911» ծառայությանն ահազանգ է ստացվել, որ Արագածոտնի մարզի Ոսկեվազ գյուղում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Ոսկեվազ գյուղի Արարատյան փողոցում «ՎԱԶ-2106» մակնիշի ավտոմեքենան (վարորդ` Է.Գ., ծնված 1987 թ.) բախվել է «Opel» մակնիշի ավտոմեքենային (վարորդ՝ Ս Դ.), այնուհետև՝ հաստաբուն ծառին:

Մինչ փրկարարների՝ կանչի վայր հասնելը «ՎԱԶ-2106» մակնիշի ավտոմեքենայի վարորդը հոսպիտալացվել է Աշտարակի ԲԿ, այնուհետև՝ «Արմենիա» ՀԲԿ, որտեղ բժիշկները տուժածի առողջական վիճակը գնահատել են ծանր:

*

*