Ուրցաձորում առյուծը վնասել է 44-ամյա տղամարդու թեւն ու ուսը

Արարատի մարզի Ուրցաձոր գյուղում տեղակայված «Ուրցաձոր» վերականգնողական կենտրոնի առյուծներից մեկը...
aryuc-urcadzor

Արարատի մարզի Ուրցաձոր գյուղում տեղակայված «Ուրցաձոր» վերականգնողական կենտրոնի առյուծներից մեկը երեկ երեկոյան հարձակվել է վանդակին մոտեցած տղամարդու վրա և վնասել վերջինիս թևն ու ուսը։

Tert.am-ի հետ զրույցում նույն մարզի Արալեզ համայնքի ղեկավար Մարտիկ Թևոնյանն ասաց, որ տղամարդը 44-ամյա Արտյոմ Ավետիսյանն է եղել։ Նա Արալեզ գյուղի բնակիչ է։

«Կենդանիներ շատ է սիրում, իմացել է, որ այդտեղ առյուծ կա, բարձրացել է վանդակի մոտ, առյուծի թաթը շոյել է, ու սկսել են քաշքշել իրար: Տարածքում եղած մարդիկ հասել են օգնության»,- ասաց գյուղապետը:

Նա նշեց նաև, որ Արտյոմ Ավետիսյանին տեղափոխել են թիվ 1 կլինիկական հիվանդանոց, վիրահատել են:

«Հայրն էլ արջի հետ է ժամանակին կռվել: Ընտանիքով կենդանասեր են, հայրն էլ կոլխոզի մեղվապահն է եղել, արջը եկել է, որ մեղվի փեթակները տանի, պատմում է, թե արջի հետ «բարբա» էր կպել»,- պատմեց գյուղապետը:

Հարազատները գյուղապետին ասել են, որ 3-4 օրից պարզ կլինի, թե ինչ կլինի Արտյոմ Ավետիսյանի թևի վիճակը:

*

*