Հրդեհ՝ Երեւանի տներից մեկում․ 63-ամյա քաղաքացու վիճակը ծայրահեղ ծանր է

Ամբողջությամբ այրվել է հյուրասենյակը (20 քմ)՝ գույքով, և տանիքը (20 քմ):
hrdeh-tun

Փետրվարի 9-ին` ժամը 01:28-ին, ԱԻՆ-ում ահազանգ է ստացվել, որ հրդեհ է բռնկվել Երևան քաղաքի Քրիստափորի փողոցի 3-րդ նրբանցքի տներից մեկում:

Դեպքի վայր են մեկնել երկու մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման ու «ԱԲԿ» պետական ոչ առևտրային կազմակերպության հերթապահ խմբերը և հոգեբանական աջակցության բաժնի հրահանգիչը:

Փրկարարները, տարբեր աստիճանի այրվածքներով, տնից դուրս են բերել 1955 թ. ծնված Ա. Ա.-ին, ով հոսպիտալացվել է «Հերացի» թիվ 1 համալսարանական հիվանդանոցում, այնուհետև՝ «Ճառագայթային բժշկության և այրվածքների գիտական կենտրոն»-ում. բժիշկները տուժածի առողջական վիճակը գնահատել են ծայրահեղ ծանր:

Հրդեհը մեկուսացվել է ժամը 02:11-ին, մարվել՝ 02:34-ին: Ամբողջությամբ այրվել է հյուրասենյակը (20 քմ)՝ գույքով, և տանիքը (20 քմ):

*

*