Հրդեհ Մոլդովական փողոցում. բնակիչները տարհանվել են

Բնակիչներից 4-ին տարհանել են ավտոսանդուղքի օգնությամբ:
hrdeh-hrshej

ԱԻՆ լրատվական ծառայությունից հայտնում են, որ այսօր, ժամը 13:30-ին ահազանգ է ստացվել, որ Երևան քաղաքի Մոլդովական փողոցի 29/6 շենքում հրդեհ է բռնկվել. անհրաժեշտ է փրկարարների օգնությունը:

Դեպքի վայր է մեկնել չորս մարտական հաշվարկ, մեկ ավտոսանդուղք և արտակարգ իրավիճակների արձագանքման խումբը:

Ըստ նախնական տվյալների հրդեհը բռնկվել է հանրակացարանի 6-րդ մասնաշենքի 8-րդ հարկի բնակարաններից մեկում:

Հայտարարվել է հրդեհի բարդության «ԲԻՍ-1» աստիճան:

Փրկարարները տարհանել են շենքի 16 բնակչի, որոնցից 4-ին ավտոսանդուղքի օգնությամբ:

Ավելի ուշ հայտդնի դարձավ, որ ծխահարվել է 2 քաղաքացի, ում շտապօգնության աշխատակիցները ցուցաբերել են առաջին բուժօգնություն (հոսպիտալացման անհրաժեշտություն չի եղել), իսկ հրդեհը մեկուսացվել է ժամը 14:41-ին, մարվել՝ 14:55-ին:

*

*