Հայտնաբերվել է ծառից կախված 31-ամյա քաղաքացու դի

Վերջինս իրավասու մարմինների կողմից որոնվում էր՝ որպես անհետ կորած։
inqnaspanutyun

Քննչական կոմիտեի Կոտայքի մարզային քննչական վարչությունում միջոցներ են ձեռնարկվում՝ պարզելու  Աբովյան քաղաքում 31-ամյա տղամարդու մահվան պատճառները: Այս մասին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:

2017թ. ապրիլի 24-ին` ժամը 17:20-ին, հաղորդում է ստացվել առ այն, որ Աբովյան քաղաքի հին գերեզմանատանը ծառից կախված դիակ կա:

Անմիջապես դեպքի վայր է մեկնել քննչական-օպերատիվ խումբը: Տղամարդու դին հայտնաբերվել է Աբովյան քաղաքի Էլարի գերեզմանատանը՝ «Ս.Ստեփանոս» եկեղեցուց 80 մետր դեպի վերև, արծաթափայլ մետաղյա բազմագալար լարով ծառից կախված վիճակում: Դիակի արտաքին զննությամբ՝ բռնության հետքեր չեն հայտնաբերվել:

Պարզվել է մահացած տղամարդու ինքնությունը. նա  Երևան քաղաքի բնակիչ է, ով ծնվել է 1985թ.: Վերջինս իրավասու մարմինների կողմից որոնվում էր՝ որպես անհետ կորած։

 

*

*