Մեկ շաբաթում ինքնասպանության 14 փորձ է գրանցվել. ԱԻՆ

Փետրվարի 26-ից մարտի 4-ն ընկած ժամանակահատվածում...
911b ain

ՀՀ ԱԻՆ ՓԾ ճգնաժամային կառավարման ազգային կենտրոնում փետրվարի 26-ից մարտի 4-ն ընկած ժամանակահատվածում գրանցվել է 267 դեպք, որից 117-ը՝ արտակարգ:

Նշված ժամանակահատվածում արձանագրվել է 120 կենցաղային կանչ, 58 հրդեհ, 37 ճանապարհատրանսպորտային պատահար, որի հետևանքով զոհվել է 3 և տուժել 60 մարդ, իսկ փրկարարական օպերատիվ գործողությունների արդյունքում՝ փրկվել 7 քաղաքացի:

Եղանակային պայմանների հետ կապված գրանցվել է տրանսպորտային միջոցների արգելափակման 11 դեպք: Փրկարարներն օգնություն են ցուցաբերել 16 քաղաքացու և անվտանգ տարածք տեղափոխել ավտոճանապարհներին ձյան շերտում արգելափակված 12 տրանսպորտային միջոց:

Շաբաթվա ընթացքում գրանցվել է նաև թունավորման 8 դեպք, որի հետևանքով տուժել է 12, զոհվել` 1 քաղաքացի:

Գրանցվել է ինքնասպանության փորձի 14 դեպք, զոհվել է 3, տուժել՝ մեկ մարդ։

*

*