Հայաստան մատակարարվող իրանական գազի ծավալը կեռապատկվի` տարանցվելով նաև Վրաստան

Իրանի նավթի նախարար Բիժան Զանգանեն հայտարարել է, որ իր երկիրը կեռապատկի Հայաստան արտահանվող գազի ծավալները:
gaz-gin-vbanakcutyun

Էներգետիկայի և բնական պաշարների նախարար Լևոն Յոլյանի հետ Թեհրանում ունեցած քննարկումներից հետո Իրանի նավթի նախարար Բիժան Զանգանեն հայտարարել է, որ իր երկիրը կեռապատկի Հայաստան արտահանվող գազի ծավալները: «ԻՍՆԱ» գործակալության հողորդմամբ, Զանգանեն նշել է, որ մինչև 2018թ. ավարտը ծավալները 1 միլիոն խորանարդ մետրից կհասցվեն 3 միլիոն խորանարդ մետրի:

Բիժան Զանգանեի խոսքով` նախարար Յոլյանի հետ հանդիպման ընթացքում քննարկման կարևոր թեմաներից մեկն էլ եղել է Հայաստանով իրանական գազի տարանցման հարցը:

«ԻՌՆԱ»-ի հաղորդմամբ` բանակցությունների ընթացքում հայկական կողմն առաջարկել է իրանական գազը Վրաստան արտահանելու նպատակով ստեղծել նոր կազմակերպություն:

Իրանը և Հայաստանը «գազ էլեկտրականության դիմաց» բարտերային պայմանագիրը ստորագրել են 2004թ-ին` 20 տարի գործողության ժամկետով:

*

*