ԱՄՆ նախագահը Պատրիկ Հովակիմյանին առաջադրել է արդարադատության նախարարության բարձր պաշտոնի — Երկիր Մեդիա

ԱՄՆ նախագահը Պատրիկ Հովակիմյանին առաջադրել է արդարադատության նախարարության բարձր պաշտոնի

Առաջարկները քննարկման համար ուղարկվել են Սենատին:
patrik-hovakimyan

Միացյալ Նահանգների նախագահ Դոնալդ Թրամփն առաջադրել է Պատրիկ Հովակիմյանի թեկնածությունն ԱՄՆ արդարադատության նախարարության օտարերկրյա հայցադիմումների հանձնաժողովի անդամի պաշտոնում: Այս մասին հայտնում է Սպիտակ տան պաշտոնական կայքը:

Առաջարկները քննարկման համար ուղարկվել են Սենատին: Հավանության արժանանալու պարագայում Հովակիմյանը հանձնաժողովի անդամի պաշտոնը կզբաղեցնի մինչև 2020 թվականի սեպտեմբերի 30-ը:

Պատրիկ Հովակիմյանը ԱՄՆ Կալիֆորնիա նահանգի Հարավային շրջանի դատախազի օգնականն է: Նա զբաղվում է կոռուպցիայի, ինչպես նաև գործարարների և կառավարության ներկայացուցիչների կողմից ֆինանսական շարժառիթ ունեցող հանցագործությունների քննությամբ: Իրավաբանության դոկտորի աստիճան է ստացել Սթենֆորդի իրավունքի դպրոցում:

*

*