Վլադիմիր Կարապետյանը՝ Նիկոլ Փաշինյանի մամուլի խոսնակ

ՀՀ վարչապետ Նիկոլ Փաշինյանը մամուլի նոր խոսնակ ունի։
vladimir-karapetyan

ՀՀ վարչապետ Նիկոլ Փաշինյանը մամուլի նոր խոսնակ ունի։ Խոսնակի պարտականություններն այսուհետ կկատարի Վլադիմիր Կարապետյանը, որը նախկինում եղել է Վարդան Օսկանյանի խոսնակը, երբ վերջինս արտգործնախարար էր։

«Մի քանի օր առաջ ստացա վարչապետի առաջարկությունը՝ գլխավորելու իր մամուլի ծառայությունը: Եթե ասեմ՝ անսպասելի էր, ոչ մի բան ասած չեմ լինի: Ընդունեցի առաջարկությունը: Առաջին հերթին խորհրդակցեցի իմ համախոհ ընկերների հետ Կոնգրեսի (ՀԱԿ-խմբ.) գրասենյակում: Ավելորդ է ասել, որ ունեցա աջակցություն և լիակատար ըմբռնում:

Պետական ծառայությունը ենթադրում է որոշ գրված և չգրված սահմանափակումներ, դրանցից է կուսակցական գործունեությունը, և ես որոշել եմ կասեցնել այն պետական ծառայության ընթացքում:

Ինձ համար պատիվ է վերադառնալ պետական ծառայություն: Շնորհակալ եմ վարչապետ Փաշինյանին նման առաջարկի համար», -Facebook-յան իր էջում գրել է Վլադիմիր Կարապետյանը։

*

*