ՔՊ կուսակցության վարչությունը հրաժարական է տվել

2016 թվականի հոկտեմբերի 30-ին հրավիրել կուսակցության արտահերթ համաժողով՝ օրակարգում ունենալով կուսակցության Վարչության ընտրության հարցը:
qp-tim

«Քաղաքացիական պայմանագիր» կուսակցության Վարչությունը, քննարկելով 2016 թվականի հոկտեմբերի 2-ին տեղի ունեցած Տեղական ինքնակառավարման մարմինների ընտրություններում կուսակցության ցույց տված արդյունքները.

ՈՐՈՇԵՑ.

1. 2016 թվականի հոկտեմբերի 30-ին հրավիրել կուսակցության արտահերթ համաժողով՝ օրակարգում ունենալով կուսակցության Վարչության ընտրության հարցը:

2. Տարածքային կազմակերպությունների խորհուրդների, Վերահսկող հանձնաժողովի առաջարկով, Վարչության որոշմամբ Համաժողովի օրակարգում կարող են ընդգրկվել այլ հարցեր՝ կուսակցության կանոնադրությամբ սահմանված կարգով:

3. Կուսակցության գործող Վարչության լիազորությունները ուժի մեջ են մինչեւ կուսակցության նոր Վարչության ձեւավորումը:

4. Արտահերթ համաժողովի տեղի, ժամի, համաժողովի պատվիրակների անվանական ցանկի, Վարչության անդամության թեկնածուների առաջադրման կարգի եւ ժամկետների մասին որոշումները կայացնում է կուսակցության Վարչությունը, կուսակցության ակտիվի («Նախաձեռնող խմբի») հետ քննարկումների արդյունքում»,- ասվում է հայտարարության մեջ:

Քաղաքացիական պայմանագրի կուսակցության վարչության ընթացիկ կազմը հետեւյալն է`

Վարչության նախագահ Արայիկ Հարությունյան, վարչության փոխնախագահ Լենա Նազարյան, Վարչության անդամներ են` Սասուն Միքայելյան, Նիկոլ Փաշինյան, Հակոբ Արշակյան, Նարեկ Բաբայան, Վիլեն Գաբրիելյան, Սուրեն Էյրամջյան, Մարինե Մանուչարյան, Ռոմանոս Պետրոսյան, Ռուբեն Ռուբինյան, Հակոբ Սիմիդյան, Ալեն Սիմոնյան:

Քաղաքացիական պայմանագիր կուսակցության վարչությունն ընտրվել էին 2015 թվականի մայիսի 30-ին երկու տարի ժամկետով Կուսակցության հիմնադիր հանձնաժողովի կողմից:

Մեկ Մեկնաբանություն
  • ՔՊ կուսակցության վարչությունը հրաժարական է տվել — Armenian National Committee of America
    4 октября 2016 at 00:00

    […] Source: Yerkir Media Link: ՔՊ կուսակցության վարչությունը հրաժարական է տվել […]

  • *

    *

    Լրահոս

    Բոլոր նորությունները