Նախագահը լուծարեց Ազգային անվտանգության խորհրդի աշխատակազմը

Հայաստանի Հանրապետության նախագահի 2008 թվականի օգոստոսի 25-ի ՆԿ-139-Ն կարգարդրությունն ուժը կորցրեց:

ՀՀ Նախագահ Սերժ Սարգսյանն օգոստոսի 10-ին կարգադրություն է ստորագրել «Ազգային անվտանգության խորհրդի աշխատակազմ» պետական կառավարչական հիմնարկը լուծարելու և Հայաստանի Հանրապետության նախագահի 2008 թվականի օգոստոսի 25-ի ՆԿ-139-Ն կարգարդրությունն ուժը կորցրած ճանաչելու մասին:

Ինչպես տեղեկացրին ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից, Նախագահ Սարգսյանի կարգադրության մեջ նշվում է.

«Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին մասի «ա» կետը և 18-րդ հոդվածը.

1. Լուծարել «Ազգային անվտանգության խորհրդի աշխատակազմ» պետական կառավարչական հիմնարկը:

2. Ուժը կորցրած ճանաչել Հայաստանի Հանրապետության Նախագահի 2008 թվականի օգոստոսի 25-ի «Ազգային անվտանգության խորհրդի աշխատակազմ» պետական կառավարչական հիմնարկ ստեղծելու և աշխատակազմի կանոնադրությունը և կառուցվածքը հաստատելու մասին» ՆԿ-139-Ն կարգադրությունը:

3. Հայաստանի Հանրապետության Նախագահի աշխատակազմի ղեկավարին և Ազգային անվտանգության խորհրդի քարտուղարին՝ մինչև սույն թվականի սեպտեմբերի 1-ը Հայաստանի Հանրապետության Նախագահի հաստատմանը ներկայացնել Ազգային անվտանգության խորհրդի քարտուղարության կանոնադրությունը և կառուցվածքը՝ Հայաստանի Հանրապետության Նախագահի՝ հարակից այլ իրավական ակտերի նախագծերի հետ միասին:

4. Հայաստանի Հանրապետության կառավարությանը՝ Ազգային անվտանգության խորհրդի քարտուղարի հետ համատեղ ձեռնարկել անհրաժեշտ միջոցներ՝ լուծարման արդյունքում կրճատվող քաղաքացիական հատուկ ծառայողների սոցիալական երաշխիքների ապահովման համար:

5. Սույն կարգադրությունն ուժի մեջ է մտնում պաշտոնական հրապարակմանը հաջորդող տասներորդ օրվանից»:

Մեկ Մեկնաբանություն
  • Նախագահը լուծարեց Ազգային անվտանգության խորհրդի աշխատակազմը — Armenian National Committee of America
    10 августа 2016 at 12:00

    […] […]

  • *

    *