Նիկոլ Փաշինյանը հեռախոսազրույց է ունեցել Ֆրանկոֆոնիայի միջազգային կազմակերպության Գլխավոր քարտուղարի հետ

Քննարկվել է նաեւ սեպտեմբերի 10-13-ը Ժանի երեւանյան այցի ծրագիրը
nikol-pashinyan-mikael-jan

Երեւանում կայանալիք գագաթաժողովին ընդառաջ ՀՀ վարչապետ Նիկոլ Փաշինյանն այսօր՝ հուլիսի 31-ին, հեռախոսազրույց է ունեցել Ֆրանկոֆոնիայի միջազգային կազմակերպության Գլխավոր քարտուղար Միկայել Ժանի հետ։ Այս մասին տեղեկացնում է ՀՀ կառավարության մամուլի ծառայությունը:

Զրույցի ընթացքում քննարկվել են Ֆրանկոֆոնիայի միջազգային կազմակերպության (OIF) եւ Հայաստանի միջեւ երկկողմ հարաբերություններին վերաբերող մի շարք հարցեր։ Ընդգծելով այդ հարաբերությունների առանձնահատուկ որակը՝ Ֆրանկոֆոնիայի Գլխավոր քարտուղարն ու ՀՀ վարչապետը մանրամասն քննարկել են հոկտեմբերի 11-12-ին Երեւանում կայանալիք պետությունների եւ կառավարությունների ղեկավարների 17-րդ գագաթաժողովի նախապատրաստական աշխատանքները։

*

*