ԲՀԿ-ն դեմ կքվեարկի կառավարության ծրագրին, եթե փոփոխություններ չկատարվեն. Ծառուկյան

«Սա տնտեսական հեղափոխության ծրագիր չէ, սա կառավարության ծրագիր չէ»
gagik-carukyan

Սա տնտեսական հեղափոխության ծրագիր չէ, սա կառավարության ծրագիր չէ, այստեղ չկան ցուցանիշներ եւ հստակ քայլեր։ Ազգային ժողովում լրագրողների հետ զրույցում նշել է «Բարգավաճ Հայաստան» խմբակցության ղեկավար Գագիկ Ծառուկյանը։

«Շատ գեղեցիկ է գրված, կամեցողությամբ ու ցանկություններով լի: Չեմ թաքցնում, կա 2-3 դրույթ, որի իրականացման դեպքում ժողովուրդը կզգա դրական փոփոխություններ իր կյանքում: Եղել է հեղափոխություն, այսօր պետք է լինի արդեն տնտեսական հեղափոխություն։ Այս ծրագիրը տնտեսական հեղափոխության ծրագիր չէ, եթե չփոխվի, ուրեմն մենք կողմ քվեարկել չենք կարող»,- ասաց Ծառուկյանը։

Գագիկ Ծառուկյանը նշեց, որ տնտեսական հեղափոխության համար անհրաժեշտ են գումարի աղբյուրներն ու դրանց հայթայթման մեխանիզմը, սակայն դրանք ծրագրում նշված չեն:

«Հենց այնպես ներդրում չի կարող լինել։ Չենք գնալու մարդկանց խնդրենք՝ եկեք, դրեք։ Ներդրման համար անհրաժեշտ է, որ օրենքներ ու պայմաններ փոխվեն։ Ներդրողները պետք է համեմատական կարգով նայեն՝ ինչ պայմաններ են աշխարհի ուրիշ երկրներում, և մերը պետք է ավելի լավ լինի»,- նշեց Գագիկ Ծառուկյանը։

*

*