Բակո Սահակյան․ «Արցախի եւ Ադրբեջանի միջեւ խաղաղությունը հնարավոր է»

Սահակյանն ընդգծել է, որ արցախյան կողմը հանդես չի գալիս ագրեսիվ, շովինիստական և ազգայնական հայտարարություններով:
bako-sahakyan

Արցախի և Ադրբեջանի ժողովուրդների միջև խաղաղությունը հնարավոր է: Հարցն այլընտրանք պարզապես չունի: Այս մասին Gazeta.ru-ին տված հարցազրույցում ասել է Արցախի Հանրապետության նախագահ Բակո Սահակյանը:

«Ես և իմ ողջ ժողովուրդը ոչ միայն հիշում ենք հակամարտության սկիզբը, այլև մինչ օրս ապրում ենք մի իրադրությունում, երբ ղարաբաղա-ադրբեջանական հակամարտությունը դեռևս լուծված չէ: Սակայն ես այդուհանդերձ վստահ եմ, որ ժողովուրդների միջև խաղաղություն հնարավոր է: Այս հարցն այլընտրանք չունի»,- հայտարարել է Արցախի նախագահը:

Սահակյանն ընդգծել է, որ արցախյան կողմը հանդես չի գալիս ագրեսիվ, շովինիստական և ազգայնական հայտարարություններով: «Պաշտոնական Բաքուն, ցավոք, ամբողջությամբ հակառակն է անում: Հենց Ադրբեջանի իշխանությունների ապակառուցողական դիրքորոշումն է հանդիսանում ղարաբաղա-ադրբեջանական հարաբերությունների համապարփակ կարգավորման ճանապարհին առկա միակ խոչընդոտը»,- ասել է Բակո Սահակյանը:

*

*