Արմեն Աշոտյանը հանդիպել է ԱԺ նախագահ Արարատ Միրզոյանի հետ

«Հանդիպման ընթացքից և արդյունքներից գոհ եմ»
armen-ashotyan

ՀՀԿ փոխնախագահ Արմեն Աշոտյանն իր նախաձեռնությամբ հանդիպել է ՀՀ ԱԺ  նախագահ Արարատ Միրզոյանի հետ: Այս մասին Աշոտյանը հայտնել է ֆեյսբուքյան իր էջում:

«Ի արձագանք այսօր մամուլում հրապարակված տեղեկատվությանը հայտնում եմ, որ՝

1. Իմ նախաձեռնությամբ հանդիպել եմ ԱԺ նախագահ Արարատ Միրզոյանի հետ:

2. Հանդիպումը նվիրված էր Հայաստանի արտաքին քաղաքականության և խորհրդարանական դիվանագիտության մի շարք հարցերին: Առավել մանրամասն, հասկանալի պատճառներով, ներկայացնելու կարիք չկա:

3. Հանդիպման ընթացքից և արդյունքներից գոհ եմ:

4. Հանդիպումը գաղտնի չէր, ԱԺ-ում գաղտնի հանդիպումներ չեն լինում, առնվազն մի քանի տասնյակ մարդ տեսնում է: Այսօրվա արտահոսքը դրա վկայությունն է:

5. Անկախ քաղաքական տարաձայնություններից կան պետական և ազգային կարևորության հարցեր, որոնց հետ կապված «ուսադիրներս» ոչ միայն ներում են գործող իշխանության հետ քննարկել երկրի համար արդիական հարցեր, այլևս պարտադրում են շարունակել ծառայությունս Հայրենիքին»,- գրել է նա:

*

*