ՀՀ ԱԳՆ-ն հերքում է Էրդողանի կողմից Փաշինյանին զանգահարելու մասին թուրքական լրատվամիջոցների տարածած լուրը

«Այդ տեղեկատվությունը չի համապատասխանում իրականությանը»
agn-karavarutyun

Հայաստանի Հանրապետության արտաքին գործերի նախարարությունը հերքում է թուրքական լրատվամիջոցների տարածած տեղեկատվությունը, թե Թուրքիայի նախագահ Ռեջեփ Թայիբ Էրդողանը զանգահարել է Հայաստանի Հանրապետության վարչապետ Նիկոլ Փաշինյանին և խնդրել հետ վերադարձնել հայ-թուրքական սահմանը հատած և ձերբակալված 16-ամյա Ումութ Ալի Օզմենին:

«Այդ տեղեկատվությունը չի համապատասխանում իրականությանը: Նման հեռախոսազանգ չի եղել»,- «Արմենպրես»-ի հետ զրույցում ասաց ՀՀ ԱԳ նախարարի մամուլի խոսնակ Տիգրան Բալայանը:

Թուրքական «Հուրիեթ» թերթը սեպտեմբերի 15-ին տեղեկություն էր տարածել, թե Թուրքիայի նախագահ Ռեջեփ Թայիփ Էրդողանը զանգահարել է ՀՀ վարչապետին և խնդրել հետ վերադարձնել հայ-թուրքական սահմանը հատած և ձերբակալված  16-ամյա հովիվին:

*

*