ՀՅԴ Լիբանանի Հայ դատի մարմինը նամակ է հղել Լիբանանում Սաուդյան Արաբիայի դեսպանին

Իր գնահատանքը արտայայտելով Սէուտական Արաբիոյ կրթութեան նախարարութեան կողմէ
hyd-libanani-hay-dati-marmin

ՀՅԴ Լիբանանի Հայ դատի մարմինը երէկ նամակ մը յղեց Լիբանանի մէջ Սէուտական Արաբիոյ դեսպան Ուալիտ Պուխարիի` իր գնահատանքը արտայայտելով Սէուտական Արաբիոյ կրթութեան նախարարութեան կողմէ` երկրին պատմութեան դասագիրքին մէջ Օսմանեան կայսրութեան վերաբերեալ կատարուած փոփոխութեան համար որ լոյս կը սփռէ Սէուտական Արաբիոյ դէմ անոր գործած ոճիրներուն վրայ եւ իրաւամբ զայն կը նկատէ «բռնագրաւող եւ ոճրագործ»:

Օսմանեան կայսրութեան վերականգնման երազը հետապնդող թրքական իշխանութիւնները այսօր կը շարունակեն օսմանեան իշխանութիւններու` արաբական երկիրներուն դէմ կիրարկած թշնամական քաղաքականութիւնը, սակայն այդ քաղաքականութիւնը, ինչպէս անցեալին, այսօր եւս պիտի մատնուի պարտութեան` շնորհիւ արաբական երկիրներու զգօնութեան, որուն մեծապէս կը նպաստեն պատմական հաւաստի աղբիւրներու վրայ հիմնուած պատմութեան դասերը:

«Պարո′ն դեսպան, դուք արդէն ծանօթ էք, թէ հայ ժողովուրդին դէմ եւս կիրարկուեցաւ այդ նոյն քաղաքականութիւնը, որուն գագաթնակէտն էր 1915-ին հայ ժողովուրդին դէմ գործուած ցեղասպանութիւնը` մարդկութեան դէմ գործուած այդ ոճիրը:

«ՀՅԴ Լիբանանի Հայ դատի մարմինը կը գնահատէ Սէուտական Արաբիոյ կրթութեան նախարարութեան կատարած օգտաշատ քայլը եւ զայն կը նկատէ 9 ապրիլին Մեծի Տանն Կիլիկիոյ կաթողիկոսարան ձեր պատմական այցելութեան ընթացքին ձեր արտայայտած կեցուածքներուն համահունչ»,- նշեց Հայ դատի մարմինը:

*

*